Zamboanga: 6ID ya inagura nuevo ‘barracks’

0
5
(Photo couretsy of 6ID)

El 6th Infantry Division (ID) ya inagura y bendici del Viernes con el “Senior Enlisted Personnel Barracks” del batallon de suporta servicio na Campo Siongco, Barangay Awang, Datu Odin Sinsuat, Maguindanao del Norte.

Asegun con el 6ID, si Major General Alex Rillera, el comandante del 6ID amo el ya encabesa con el inaguracion y bendicida del proyecto.

Asegun con el 6ID, con Rillera ya asisti si Tiniente Coronel Alexander Pio, el comandante del batallon de suporta servicio, durante el corte de cinta (ribbon-cutting) mientras si Reverend Father Clifford Baira amo el ya bendici con el nuevo completao proyecto.

Si Rillera ya expresa su gratitud con todo quien ya ayuda realiza con el proyecto hablando “el de ustedes dedicacion ya resulta en este notable facilidad”.

“Ojala cay este cartel hay queda simbolo de respeto y apreciacion de ustedes,” si Rillera ya habla. (B. Garcia)

Leave a Reply