Total de 450 Zamboangueños el ya beneficia desde’l P1.7 millon programa de Tulong Panghanapbuhay sa Ating Disadvantaged/Displaced Workers (TUPAD) que ya inicia el oficina del Senadora Grace Poe por medio del oficina regional del Departamanto de Trabajo y Empleo (DOLE).
El TUPAD tiene el objetos proporciona empleo de emergencia para con aquellos desplazado, subempleado, y trabajadores estacionales.
Asegun con el oficina regional del DOLE, el 450 beneficiarios, quien estaba desde’l diferentes barrios del ciudad, ya esta bajo el programa de orientacion antes que ya principia sila trabaja del Martes.
Asegun con el DOLE, el mga beneficiarios hay trabaja por 10 dias y hay recivi sila el salario diario de P381 o el total de P3,810 durante el periodo del de ila empleo.
Ademas, ya dale tamen canila parafernalia de limpiesa como el camisa con largo mangas, guantes de goma, sombrero, y mascarilla para del el de ila proteccion y bienestar mientras ta trabaja sila.
El Alcalde John Dalipe ya expresa su gratitud con Senadora Poe por su generosidad de considerar con el mga vivientes del ciudad de Zamboanga y ya dale el bien necesita ayuda para na comunidad.
El programa de TUPDA hinde lang ya dale fuente de ingreso con el mga beneficiarios pero ta permiti tambien canila contribui na mejoramiento del de ila comunidad.
El programa ta servi tamen como el salvavidas esencial para con aquellos quien ya afectao por desplazamiento o subempleo, ofrece canila un temporario manera de suporta mientras ta busca sila estable oportunidad de empleo. (B. Garcia, photo courtesy of City Hall PIO)