Dos personas el ya aresta el mga autoridad na campaña contra droga ilegal na provincia del Tawi-Tawi, asegun con el policia del Viernes.
El policia ya nombra lang con el dos arestao suspechao como canda alias Bin, 52 años el edad y si alias Mar, 25 años el edad.
Asegun con el policia, con el dos suspechao ya aresta na un operacion contra droga illegal del Martes na Barangay Tubig Mampallam, Bongao, Tawi-Tawi.
El mga pulis ya confisca na posesion de Bin y Mar tres sobrecitos de suspechao shabu que tiene el valor de P26,044, un pitaka, y un pedaso de papel.
Asegun con el policia, con el mga arestao suspechao y el mga confiscao evidencia ya lleba na quartel del policia na municipio de Bongao para el propio disposicion. (B. Garcia)