Total de 100 siembradores desde cuatro barrios aqui na ciudad de Zamboanga el identificao como mga recipientes de este año programa de “Kabalijat sa Kabuhayan (KSK)” del “SM Foundation Incorporated (SMFI)” de sostenible agricultura aqui na ciudad.
El SMFI, el brazo de responsibilidad social corporativo del grupo de companias del SM, ya Lanza el programa de KSK na cine del “SM City Mindpro” del Viernes cay ta continua este esta cometido para el sostenible desarollo y empoderamiento del comunidad.
El mga recipientes amo mga siembradores desde’l mga barrio de Cabaluay, Culianan, Lanzones, y Salaan.
El programa de KSK tiene el objetivo para eleva con el vida del mga siembradores y promove sostenible practica del siembrada.
Asegun con el “SM City Mindpro”, el KSK amo para dale buen manera con mga siembradores si quemodo enfrenta con mga desafios por medio de dale canila el necesario saber, capabilidad y recursos para mejora de ila practicas de agricultura y ase subi del ila productividad.
Asegun con el SM City Mindpro, por medio del serie de sesion de entrenando, y ayuda tecnical, el mga siembradores ay aprende sobre mga sostenible tecnica de siembrada, administracion de cosecha, controlada de peste, y coneccion de tiangge desde’l SM Foundation y agencias de gobierno. (B. Garcia, photo courtesy of SM City Mindpro)3