Dos personas, incluido un pulis, el ya iri na accidente vehicular na costa oeste del ciudad, asegun con el policia local del Domingo.
Asegun con el policia local, el accidente ya ocuri mga alas 9:10 del Sabado agao na Zone 1, Barangay La Paz, en este ciudad.
El policia ya nombra con el mga victima como canda Police Corporal Robert Aroman, 29 años el edad y un miembro del Philippine National Police-Special Action Force, y si Jomar Francisco, 26, y residente de Barangay La Paz, en este ciudad.
Base na investigacion, si Aroman ta maneja motorsiclo para adentro del Barangay La Paz cuando ya man vuelta le y ya man bangga con otro motorsiclo que ta maneja si Francisco.
Ambos motorsiclo ya man baliscat y destrosao mientras ambos tamen canda Aroman y Francisco el ya iri durante el accidente.
Con Aroman y Francisco ya lleva na hospital para el curada medical. (B. Garcia)