Un persona el ya iri y otro dos el nohay pasa nada cuando ya quema de ila banca de motor na canal del Malamawi, ciudad de Isabela, provincia de Basilan, asegun con el estacion de guardiacostas de Isabela.
El guardiacostas de Isabela ya habla el incidente ya ocuri mga alas 7 del Martes denoche na vicinidad del Sitio Fuego-Fuego, Barangay Tabiawan, ciudad de Isabela, Basilan.
El guardiacostas de Isabela nohay mas nombra con el irido persona y tambien con el otro dos quien mga tripulantes del un banca de motor.
Base na investigacion, el tres individuales ta navega para na Barangay Tampalan, Isla de Malamawi, ciudad de Isabela, Basilan desde Barangay Baliwasan, ciudad de Zamboanga, cuando ya quema el makina del de ila banca de motor.
Enseguidas el mga personajes del estacion de guardiacostas de Isabela el del sub-estacion de Malamawi ya ausilla con el tres tripulantes y ya lleva con el irido tripulante na hospital. (B. Garcia)