Un persona el ya aresta mga autoridad por el asunto de rapto y abuso sexual na costa oeste de este ciudad, asegun con el policia local del Domingo.
El policia local ya nombra con el arestao suspechao como un tal Argimar, 33, un residente de Barangay Calarian, en este ciudad.
Con Argimar ya aresta mga personajes del Zamboanga City Police Station 8 mga alas 9:40 del Sabado aga na Barangay Sinunuc, en esre ciudad.
Asegun con el policia, el suspechao tiene pendiente orden de aresto por el crimen de “three counts Act of Lasciviousness” con recomendao piansa de P200,000 cada un cuenta, two counts “Sexual Assault” con el piansa de P200,000 cada un cuenta, y “Statutory Rape” sin piansa que ya dale el un tribunal del ciudad del Octubre 27, 2023.
El arestao suspechao ya detene na ZCPS8 para el propio disposicion. (B. Garcia)