28.7 C
Manila
Sunday, April 14, 2024

World AIDS Day gitamud sa City Aids Council

- Advertisement -

Gikalipay sa City AIDS Council ning dakbayan sa Cagayan de Oro ang gipakitang suporta sa nagkadaiyang stakeholders sama sa nagkalain-laing buhatan sa gobyerno, academe, non-government organizations ug uban pa atol sa paghandom sa ‘World AIDS Day’ karong adlawa sa may Limketkai Center.
Matud pa ni City Councilor Maria Lourdes Gaane kinsa mao usab ang Co-Chair sa City AIDS Council nga sa kasamtangan mas gipalapdan pa nila ang mga programa sa dakbayan pinaagi usab sa suporta ni Mayor Rolando Klarex Uy aron ma-edukar ug malikayan sa mga katawhan nga mataptan sa HIV ug AIDS.
Sa kasamtangan, padayon usab ang paghan-ay sa komitiba ni Kagawad Gaane sa ipasang balaudnon nga mao ang HIV&AIDS Ordinance nga nahisubay usab sa RA 11166.
Gipasabot ni City Epidemiologist Dr. Joselito Retuya, ug Dr. David Mendoza, ang OIC Assistant Regional Director sa DOH Region 10, ang mahitungod sa pagpanalipod batok sa maong sakit, ug ang angay pang mahibaloan mahitungod niini.
Atol sa maong programa, girepresentahan usab ni SK Federation President Kenneth Sacala si Mayor Klarex Uy nga midasig sa katawhan nga wad-on na ang diskriminasyon ug stigma sa mga nataptan sa maong sakit ug pagpahinumdom sa kanunay nga mag-amping ilabina nga nagsaka ang kaso sa maong sakit.
Lakip sa mga kalihukan ang libreng HIV testing, counseling, bloodletting activity, ug uban pang mga programa sa mga partner NGOs.
Tumong sa maong aktibidad ang pagtangtang sa stigma ug pagpalapad sa kahibalo sa mga katawhan ug paglikay sa maong sakit.

 

News and photo courtesy of CIO CDO

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -