Zamboanga del Sur – Arestado ang usa ka van driver homan kini masikop sa Drug Buy Bust Operation nga gikasa sa Regional Drug Enforcement Unit sa pagpangulo ni Police Lieutenant Dominic Dalena ug sa Provincial Drug Enforcement Agency, sa mag Purok Santan B, Barangay San Jose Pagadian City.
Ang dinakpan naila nga si Acmad Antiquina Butawan, 37 anyos, minyo ug residente sa Purok 13, Barangay Poblacion Buug Zamboanga Sibugay. Matud niini nga magbyahe kini sa pampasaherong van nga nagdala sa plaka numero KAA 5220 gikan Cagayan De Oro padulong pa Ipil.
Atol sa operasyon nakumpiska gikan sa posesyon sa dinakpan ang usa ka gamay nga pakete sa shabu, duha ka medium size sa drogang shabu, nga gibana banang mukabat sa 10 gramos ug mubalor sa 68 mil ka pesos ang market value niini. Nakumpiska usab ang usa ka walay sulod nga pakete kon asa gituohang gigamit na sa suspect, usa ka keypad phone, 6 ka aluminum strips ug improvised needle, improvised glass tooter, usa ka case sa eye glass nga maoy gisudlan sa drugs paraphernalia ug usa ka libo ka pesos isip buy bust money.
Gibutyag sa awtoridad nga ato pang miaging semana napalitan na ang suspetsado ug drogang shabu sa police asset, ug karung adlawa nibalik kini aron sa paghatud sa lain pang droga, matud usab sa driver nga ang maong butang ang gikan pa sa Iligan ug iya kining kwaon ug e-dispose.
(News & photo courtesy of PDEA ZDS)