Davao City – Napuhag sa kapulisan ang usa ka drug den sa Purok Durian, Brgy. Pindasan sa Mabini, Davao de Oro human nga gikasa ang drug buybust operation sa mga sakop sa Philippine Drug Enforcement Agency Regional Office XI, Mabini Municipal Police Station.
Atol sa operasyon nasikop ang drug den maintainer nga si Ariel Leparto, 52 anyos, ug giilang number 7 sa Regional Target Listed Drug Personality ug residente sa giingong lugar ug laing duha pa ka mga dinakpan nga sila Alven Mandap ug Lance Darel Omictin.
Nakuha sa posisyon sa mga suspek ang usa ka pakete sa shabu ug nagkantidad sa kapi P12,000 pesos ug laing duha pa ka mga pakete sa shabu nga motimbang sa 11 grams ug nagkantidad sa P74,800 pesos, marked movey ingon man ang mga drug paraphernalia.
Sa karon, himas rehas ug mag-atubang sa kasong paglabag sa RA 9165 kun Comprehensive Dangerous Drug Act of 2002. (Camille Santos Naraga)
(Source: PDEA XI)