Cebu City – Gipadayon pa gihapon sa mga rescuers sa Lungsod sa Catmon, Cebu ang pag pangita sa inahan ug anak homan sila gi-anod sa kalit nga bul-og sa tubig-baha samtang nangaligo sa Tinubdan Falls sa Barangay Tabili sa nahisgutang lungsod.
Pabilin nga gipangita sila si Jacel Alastra, 32 ug ang iyang babayng anak, Princess, siete anyos, kinsa dul-an na sa usa ka adlaw nga missing atol ning pagsuwat.
Na recover na sa kapolisan ang lawas sa pag-umangkon ni Alastra nga si Kent Jude Monterolla, 17 anyos, dool sa spillway sa Katambisan, Barangay Corazon.
Gibutyag ni Police Corporal Mendel Orvillo sa Catmon Police Station nga ang tulo kauban sa grupo sa mga local tourist nga nangaligo sa waterfall pasado ala una sa Domingo sa hapon.
Usa sa Carlos Dolendo, kinsa usa sa diha atol sa hitabo, mipahibaw nga misuway sila ug rescue sa mga biktima, pero na anod gyud kini sa tubig.
Matod ni Dolendo nga gibana-banang moabot ug 100 ka mga tawo ang didto sa vicinity sa waterfalls atol sa insidente niadtong orasa, pero 30 lang ang diha sa tubig pagka hitabo.
Sigon pa niini nga na surprisa sila sa kalit ug dakong bul-on sa tubig baha sa lugar tungod kay igo man lang silang naka sinate ug taligsik.
Matod pa nga ang caretaker sa waterfalls nga nahimutang sa luna nga gipanag-iya sa goberno, mipahimangno nang daan sa mga turista sa posibling pag baha sa higayon nga mosugod na ug uwan.
Nagkanayon si Dolendo nga sagad sa mga nangaligo wala lang ma minaw sa warning ug diha na sila nag dinaganay dihang nadungog nila ang singgit nga padung na nila ang bul-og sa tubig.
Gibutyag niini nga daghan ang naka dagan padung sa daplin, pero duna gyud mga nahibilin sa tubig.
“Hinay ra ang taligsik sa area, pero didto sa punuan sa falls, kusog ang uwan. Pagkahitabo adto, naa ra’y nisyagit nga ‘baha, baha’. Before sa bul-og sa tubig, ni-color pa siya og brown, after two minutes didto na nibundak ang kusog nga tubig sa falls. Mga two minutes ra gyud, ni-bul-og ang tubig, nikusog gyud siya dayon. Wala namo na-feel nga mobaha siya kay hinay ra taligsik raman, ” saysay ni Dolendo.
Sigon pa ni Dolendo nga gisuwayan nila ug rescue si Monterola pinaagi sa pag itsa ug pisi padung niini; ang maong bata nagpatong sa usa ka bato sud sa 30 minutes sa wala pa kini maka buhi ug hingpit nga naanod.
“Natagbaw pami’g pangita’g pisi. Gisumpay ra gani to namo ang pisi, pero mubo ra gyud gihapon. Maayo unta to’g mahikot sa iyang lawas or sa iyang kamot, unya kay perting muboa man sa pisi. Unya saka dako sa bato nga gitungtungan niya, mao to nga nakabuhi gyud siya sa pisi nga gikuptan niya,” dugang saysay ni Dolendo.
Nakit-ang ang lawas ni Monterolla dool sa spillway sa Barangay Corazon, pasado alas 9 kagabii o kapin sa walo ka oras homan ma missing.
(Source: Municipality of Catmon Police Station, video credits to the owners; different sources)
Tags: Tinubdan Falls, Catmon Cebu, Monterola, Alastra, Drone Footage