Gilayong gipakalma karon sa General Santos City government ang mga residente sa siyudad, atubangan sa kumpirmasyon nga nakasulod na sa siyudad ang bagong variant sa SARS-Cov o ang B.1.1.7 variant.
Sa gitunol nga impormasyon sa RPN DXDX ?????? sa usa ka miyembro sa City-IATF, gipaklaro nga “dugay” nang natala ang maong pasyente, apan karon lamang migawas ang resulta gikan sa Philippine Genome Center, diin migawas nga positibo kini sa maong bagong variant sa coronavirus.
“Kahapon(Monday, April 12) lang natin nalaman, kasi kahapon lang lumabas ang result, pero dugay na ni nga pasyente,” ang tipik sa pamahayag sa source.
Gipasabot usab sa source nga kasamtangang gapailawom pa sa observation ang pasyente ug wala nay sintomas sa infection.
“Gina-observe pa sila, but they are doing well na, kasi wala nang symptoms,” ang pamahayag pa sa source.
Una nang gipaniguro usab ni City Mayor Ronnel Rivera nga nahuman na sa City Health Office ang contact tracing sa mga taong nakahimamat sa maong pasyente ug naka-isolate na usab ang pamilya ug kabanay niini.
Ang maong pasyente ang 58-years old male nga residente sa Barangay San Isidro. (John Rey Somido)
