Mga Kapitan sa 54 ka barangay nagtigum para sa Monthly Meeting nan Liga Ng Mga Barangay-Surigao City Chapter kuman na adlaw, Enero 16, 2024 didto sa City Cultural Center.
Nanguna sa panag tigum an bag-o na ABC-President Florenillo “Dodong” Ravelo, Brgy. Captain nan Brgy. Serna.
Nitambong si City Mayor Pablo Yves L. Dumlao II, lakip sab si DILG Director sanan City Local Government Operations Officer Robert E. Patayon, City Budget Officer Atty. Jeffrey Galido, City Acting Accountant Emmadel V. Lisondra, CSWDO Officer Lenie S. Liray, City Treasurer Nelson Alcala, ug City ENRO Officer Engr. Jose Alfonso A. Casurra.
An City Health Office sa pag panguna ni CHO-Officer Dr. Benjielita Notada, mipasabot mahitungod sa sakit na dengue na naay mga recorded na kaso diri sa siyudad. Nangajo sila nan suporta sa mga barangay kapitan pinaagi sa ila pag paabot sanan pag pasabot sa ila mga ka barangayon para sa responsibilidad sa makanunayong pag pan limpyo sa ila palibot aron malikayan an dengue.
Gipahigayon sab an pag award sa mga barangay na ni partisipar sa Waste Segregation Management Program nan City Environmental and Natural Resources Office (City ENRO) niadtong 2023.
(Source: Surigao City PIO Facebook Page)