Santo Tomas, Davao del Norte – Mukabat na ngadto sa tulo ka mga tawo ang namatay gumikan sa diarrhea outbreak didto sa Barangay Tulalian, lungsod sa Santo Tomas, Davao del Norte human nga nadugang ang laing duha ka mga biktima.
Usa ka senior citizen ang pinaka-ulahi nga namatay, samtang usa ka 81 anyos ug 69 anyos nga mga babae ang unang nakabsan sa ilang kinabuhi. Ang mga biktima gipa-ubos na sa post-mortem Covid-19 testing.
Miabot na usab ngadto sa 444 ka mga residente ang nakasinati og diarrhea gikan niadtong Hulyo 15 ning kasamtangang tuig.
Ang Lokal nga Kagamhanan sa lungsod sa Santo Tomas mihimo na ug chlorine treatment ug naghatag na usab limpyo nga suplay sa tubig mainom ngadto sa mga apektadong residente sa Barangay Tulalian.
(Source: Santo Tomas LGU Information Office)