Claveria, Misamis Oriental – PATAY ang tulo ka tawo samtang upat ang samaran human na-overshoot ang usa ka truck sa pangpang sa Tikala Claveria Misamis Oriental!
Naila ang mga patay nga sila Niño Undag, Jayward Gabiro nga pulos helper sa sakyanan, hingkod ang panuigon og molupyo sa Claveria Misamis Oriental ug ang driver nga si Kenmark Sagulay, residente sa Butuan City.
Sa pakighinabi sa Radyo Ronda team ni Claveria Municipal Police Station OIC- commander Police Captain Rodel Labadan iyang gibutyag nga base sa inisyal nga imbestigasyon kusog ang padagan sa truck sa pa-kurbadang bahin sa dalan hinungdan nga pag-abot sa lugar nawad-an og control ug nahagbong sa pangpang.
Dead on the spot ang driver human madat-ugi sa sakyanan ug nadala sa balay-tambalanan ang duha ka helper apan pipila ka oras gi-pronounce kini’ng patay sa mananambal.
News and photo by Cheleste Simene
