Misutoy ang usa ka tricycle dihang nopalyar an preno samtang palugsong kini sa Sitio Panubigon, Brgy. Lipata, Surigao City kagahapon alas 5:40 sa hapon, Enero 6, 2021.
Samdan an masigka driver sa duha ka sakyanan apil an ila mga sakay sa dihang ang red Yamaha STX 125 PUV Tricycle na may body number SC-1119, wayay rehistro sanan wayay OR gimaneho ni Romulo Domingo Dagdag Jr., 30 anyos minyo, may lisensya sa pagmaneho nga taga Purok 1, Togbongon. Gikan sa Mabua paingon sa City proper an tricycle sakay niya an upat ka pasaherong ulitawo ug dalagang mga estudyante na sila Dominic Gipal, 20 years old taga Pepang Village, Keziah Uba, 19 anyos taga Sukailang; Chen Jesthony Mula, 24 anyos taga Malimono; ug Kate Orillo Escol, 20 anyos babaye taga San Pedro, Alegria, Surigao del Norte.
Paglugsong nila sa Panubigon, waya na mohawid an brake ug misutoy an tricycle. Naside swipe niya ang kasugat (pasaka) na black SYM motorcycle nga wayay rehistro tagmaneho ni Wilson Mirang Solante, 27 anyos na taga Mabua ug angkas niyang si Alfredo Modansa Dayos, 28 anyos nga taga Tagbasingan, Mat-i, mga construction workers ug pulos wayay helmet sanan wayay lisensiya sa pagmaneho. Didto mahibanda sa kilid sa pangpang an duha ka sakyanan ug sila mga sakay nakaangkon sa mga bun-og ug samad dihang narespondihan sa Emergency Response Services. Grabe ang damage sa tricycle sa driver’s side samtang minor damage naangkon sa SYM motorcycle. Hinoon nakagawas ra sa hospital ang mga nasamdan ug gisettle nila ang nahitabo. (RPN DXKS Surigao, photos courtesy by Kaelf Dave Noguerra)