Nakabsan sa kinabuhi ang usa ka sakop sa Department of Public Services (DPS) sa siyudad sa Sugbo human gipusil sa wala matino na suspetsado.
Ang krimin nahitabo kaganihang kadlawon, Enero 9, 2024, didto sa Barangay Bulacao, dakbayan sa Sugbo.
Ang biktima giila sa kapulisan sa CCPO na mao si Ronnie Casitay Abregundo, 56 anyos ang panuigon, residenti sa Sitio Cabangcalan 1, Barangay Bulacao, dakbayan sa Sugbo.
Sa inbesigasyon paingon mo trabaho ang biktima apan pag abot na niya sa naasoy na lugar gipusil kini na maoy hinungdan sa iyang kamatayon.
Sa pagkakaron padayon ang gihimo na inbestigasyon aron pagsuta sa motibo sa maong krimin ug si kinsa ang nibuhat niini.
(Renante Lada, photo credits to the owner)