Davao City – Himas rehas ang giilang mga Top 4 ug 5 sa drug watchlist sa Davao City human gikasa sa mga sakop sa Sasa Police Station ang drug buy-bust operation sa Km. 14 Barangay Panacan, Davao City.
Giila ni Police Major Jake Goles Station Commander sa Sasa Police Station 4 ang mga suspek nga sila Umbra Laimot Labay ug Manzoor Abdul Laimot alyas Manzor.
Nakuha sa mga suspek ang mga pakete sa gituohang shabu nga mutimbang og 3.18 grams ug nagkantidad sa kapin P50,880 pesos.
Sa karon, tingkagol sa kapulisan ang mga suspek ug magatubang sa kasong paglapas sa RA 9165 Comprehensive Dangerous Drugs Act of 2002. (Camille Santos Naraga)
(Source: DCPO)