Davao City – Arestado ang top 5 most wanted sa davao pinasikad sa warrant of arrest nga gipirmahan ni Judge Dante Baguio ang presiding judge sa RTC Branch 12 sa Davao City.
Giila ang dinakpan nga si Antonio Baquero Aleniabon, 47 anyos, usa ka construction worker ug residente sa Sitio Luman, Barangay New Valencia, Tugbok District ning syudad.
Ang akusado adunay kasong Qualified Rape, Qualified Sexual Assault ug 2 counts sa Lascivious Conduct in relation to Republic Act 7610 kon “Special Protection of Children Against Abuse, Exploitation and Discrimination Act.”
Walay piyansang girekomenda alang sa kasong Qualified Rape apan sa kasong Qualified Sexual Assault 120,000 pesos ang girekomendang piyansa ug 180,000 pesos ang piyansa alang sa kasong sa 2 counts of Lascivious Conduct. (Camille Santos Naraga)
(Source: DCPO)