Gitambongan sa mga kadagkuang opisyal sa probinsiya sa Surigao del Norte mga representante sa Tingog Partylist ug sa Department of Social Welfare and Development Office Caraga Region an unang anibersaryo sa Tingog Partylist nga gipahigayon sa City Gym kagahapong adlawa.
Mitambong sila ni Governor Robert Lyndon Barbers, Vice Governor Eddie “Geed” Gokiangkee Jr., Mayor Pablo Yves L. Dumlao II, Vice Mayor Alfonso S. Casurra, ABC President Florenillo Ravelo, Deputy Secretary General Glenn Jude Rufino ug si Jean Paul Parajes an OIC – Assistant Regional Director for Operations and OIC – Division Chief, Promotive Services Division.
Mikabat sa 845 ka indibidwal ug 12 ka asosasyon an mga makadawat nan cash assistance gikan sa pundo ni President Ferdinand “Bongbong” Marcos Jr., House Speaker Ferdinand Martin Romualdez, Tingog Partlist Congresswoman Yedda Marie Romualdez ug Congressman Jude Acidre.
An pag apod-apod nan cash assitance ug cheke para sa Sustainable Livelihood Programs para sa mga asosasyon gipasiugdahan ini sa buhatan sa DSWD.
Sa mensahe ni Jean Paul Parajes an OIC – Assistant Regional Director nga maoy ni representar ni Regional Director Mari-Flor D. Libang nga an tumong sa programa amo an pagpalambo ug pagpauswag sa ilang kapasidad pinaagi sa teknikal ug vocational para magamit nga mas epektibo alang sa kaajohan sa ilang mga pamilya.
Nihatag isab nan mensahe si Mayor Pablo Yves L. Dumlao II nga sumaya pa an Tingog Partylist ug an Admimistrasyon sa Abante Surigao kanunay nga nagtinabangay para mahatag an sakto nga hinabang ngadto na sa katawhan.
Sa mensahe isab ni Gov. Robert Lyndon Barbers nagkanayon nga gikan sa pagsugod sa abante surigao wayay undang an pag hatag nan hinabang sa katawhan gikan sa Tingog Partylist.
Nagpasalamat isab an Deputy Secretary General sa Tingog Partylist nga si Glenn Jude Rufino sa pagdawat kanila sa probinsiya sa Surigao del Norte sa pagpanguna sa Abante Surigao.
Human sa programa gisunod dajun an ceremonial release sa 12 ka asosasyon nga makadawat nan kapin P4M ka pesos ug P3, 000 ka pesos alang sa mga benepisyaryo nan Assistance to Individual in Crisis Situation ubos sa DSWD. (Mark James Lisondra)