Pormal na nga gisugdan ang matag-tuig na pagplano para sa Annual Social Development and Management Program o ASDMP nan Taganito HPAL Nickel Corporation para sa umaabot na tuig 2021.
Ubay-ubay na mga Focus Group Discussions (FGD) ang sa kasamtangang gipadayon sa matag komunidad nga gilangkuban sa 14 ka barangay lakip na usab ang 2 ka Indigenous People’s (IP) Communities na sakop sa munisipyo nan Claver.
Lakip niining panagtigum ang pagplano sa mga proyekto na mamahimong mapatigayon ug mapuslanon para sa katawhan ug komunidad taliwala sa hulga nan pandemiya. Ang matag-sektor adunay boses pinaagi sa ilang mga representante aron sa pagsiguro nga madunggan ug matagaan ug dakung pagtagad ang matag panginahanglan sa umaabot na tuig. (AC Estampa | RPN DXKS Surigao)