Cagayan de Oro – Alayon sa kamanduan sa Department of Interior and Local Government (DILG) ubos sa Memorandum Circular No. 2024-053 nga pagpatuman sa Barangay Road Clearing Operations (BaRCO), nagpahigayon og road clearing ang Barangay Macabalan inabagan sa Task Group Demolition ning syudad ubos sa administrasyon ni Mayor Rolando `Klarex’ Uy, Miyerkules Mayo 22, 2024.
Si TG Demolition Chairman Antonio S. Resma Jr., namahayag nga ang barangay council sa Macabalan pinangulohan ni Punong Barangay Saniel L. Raypon mihangyo og assistance sa syudad pinaagi sa TG Demolition diha sa ilang pagpatuman sa kamanduan sa DILG.
Ubay-ubay ka mga illegal structures ug mga gambalay nga nakalapas sa road-right-of-way ang gitangtang sa pag-abag sa mga barangay tanod, kapulisan nga naghatag og seguridad aron magpabilin nga malinawon ang clearing operation.
News and photo courtesy of CIO CDO