General Santos City – Daghan sa mga tricycle ang gi-impound kung asa ang gigamit nga balaod sa mga enforcers ang ordinansa sa syudad og dili ang nasudnong balaod.
Ug nagkadaiya ang reaksyon sa katawhan sa GenSan sa gipahigayon nga pag-impound sa Traffic Enforcement Unit kon TEU sa dakbayan sa mga tricycle nga walay igong mga dokomento.
Kung ordinansa, may gamay lang ang multa nga bayaran apan kung national law libuan ka pesos ang multa.
Nasayran nga halos tanan nga na-impound nga tricycle ang walay OR/CR og kung adunay gihuptan mga expired na.
Ang gusto nga mahitabo nga magkuha og igong mga dokomento ang mga tricycle drivers aron mahimong legal ang pagpamasahero.
Ang uban ang nagkanayon nga unta dugay na nga gihimo sa mga enforcers ang maong gimbuhaton aron nga dili mudaghan ang mga colorum nga tricycle. (Alfredo Madas Jr.)
