Nagmalampusong gipahigayon ang aktibidad sa Surigao Chamber of Commerce and Industry (SSCI) nga Tax and Legal Update and Fire Safety Seminar and Drill, Marso 15, 2019 sa Philippine Gateway Hotel. Ang maong kalihohan gipasiugdahan sa Surigao Chamber of Commerce and Industry (SSCI) sa pag-panguna sa Provincial Regional Director Mrs. Concepcion Paqueo uban sa pag-paningkamot sa presidente Mr. Willie Gan ug mga staff sa pag-tambayayong sa ubang mga opisyales nga miyembro niini. Lakip na usab sa pag-suporta sa mga maabitkong mga opisyales ug miyembro sa Surigao Filipino Chinese Chamber of Commerce.
Sa unang bahin sa maong aktibidad sa buntag pa, mao ang pag-hatag sa mga supporting staff gikan sa buhatan sa BIR sa mga legal updates mahitungod sa taxes, Kini maong adbokasiya sa SCCI nga tinuig nga maga-katigum ang mga negosyante aron pagahisgutan ang tax ug legal updates nga maoy usa sa importanteng masayran isip mga negosyante nga diin usab kini gitambungan sa bag-ong Revenue District Officer Mr. Monteclaro sa Bureau of Internal Revenue (BIR).
Pagka-hapon mao na ang Fire Safety Seminar ug Drill nga gipanguhanan sa mga miyembro sa BFP kun Bureau of Fire Protection. Dul-an sa 150 ka mga partisipantes ang mi-partisipar gikan sa hanay sa private ug government sector mga tag-iya gayud sa mga negosyo mga bookkeeper ang mitambong sa usa ka adlaw nga kalihokan.
Ang maong adbokasiya sa SCCI alang na sa pag-tabang sa mga miyembrong negosyante nga pag-padumdum kanila mahitungod sa preparasyon alang na sa umaabot nga Annuel Income Tax Filing tuig 2019 ug ang fire safety seminar and drill usab aron mas matagbo ang unang rekisitos sa tanang establisyemento nga maka-kuha ug certificate of completion.