Pinasingkedan ni Provincial Veterinarian Dr. Loida Valenzuela nga adu ti klase ti pamilia ti Corona virus.
Mainaig iti daytoy, imbatadna nga adda ti klase ti nasao a virus a mangapektar kadagiti baboy ken sabali met a klase ti makaapektar kadagiti aso.
Impalgakana a ti taraken ti kadakkelan ti gundaway a kapten ti COVID-19 ket ti taraken a pusa.
Nupay kasta, inlawlawag ni Valenzuela a bassit laeng ti tsansa a makaakar iti tao ngem dakdakkel ti tsansa a dagiti animal ti agi-innakar.
Iti baet dayoty, inbalakadna kadagiti adda ti tarakenna a pusa ti panagan-annad kadagitoy nangnangruna kadgiti saan a nakabaud wenno nakapupuk a pusa.
Innayonna nga adda ti bakuna kontra ti corona virus kadagiti taraken a kas iti baboy ken mabalin met a pabakunaan latta dagitoy kadagiti adda a bakuna tapno maliklikan a makaptan ti inpeksion.
(OIC Rodrigo G. Sadian, RPN DZRL Batac)
(Source: Provincial Veterinary)