“This agreement hopefully will bring Cagayan de Oro closer to ensuring the safety and wellbeing of our children.”
Kini ang mensahe ni Mayor Oscar S. Moreno niadtong nakalabayng adlaw atol sa signing sa memorandum of agreement (MOA) tali kagamhanang lokal ug Samaritan’s Purse International Relief mahitungod sa pagbatok sa Online Sexual Exploitation of Children (OSEC) pinaagi sa ilang proyekto nga Children Safer Online.
Milagda sa maong kasabutan si Mayor Moreno, city administrator Teodoro Sabuga-a Jr sa panig sa syudad ug si Dr. Patrick Mwenda Gitonga, country director ug Annalyn B. Alenton, program development director sa Samaritan’s Purse.
Giila ni Mayor Moreno ang dako nga papel sa Samaritan’s Purse ingon man sa uban nga mga partner organizations sa syudad sa pag-asdang sa katungod sa mga kabataan.
Misaksi usab sa kalihukan ang mga personahe sa City Social Welfare and Development Office, pinangulohan ni CSWD Executive Overseer Michael Christopher Fabello.
Anaa usab si Mr. Vicente P. Delector Jr., Mindanao Area Coordinator kauban ang mga personahe sa Samaritan’s Purse. (AGP, photos courtesy by Nicasio Anches | City Information Office)