Cebu City – Gibutyag ni Acting Cebu City Mayor Michael Rama nga ang sweldo sa mga “disgruntled” nga mga nurses naa na sa mga kamot sa konseho sa Syudad sa Sugbo.
Kini human sa mga reports nang gawas labot sa mga nurses ubos sa contractual basis sa Cebu City Medical Center (CCMC) nga nang resigned gumikan kay wala sila maka dawat sa ilang sweldo balig upat ka buwan.
Matod ni Rama nga ma release lang ang ilang suhol nga mo kung mo approve ang City Council sa first supplemental budget ( SB 1) nga mo kantitad ug ₱ 4.45 billion.
Giangkon sa Bise Mayor nga nalangay ang sweldo sa mga contractual nurses ug upat ka buwan gumikan kay na delatar sab ang pagpasar sa supplemental budget.
Sukad niadtong Enero 2021, miabot na ug 44 ka mga medical frontliners nga nag trabaho sa CCMC ang nang resign.
Mipahibaw si CCMC Administrator Yvonne Cania nga dunay 14 ka nga nurses nga casaul ug 30 ka mga Job Order (JO) ang nang resign sa CCMC.
Gawas sa 14 ka mga nurses nga casual nga nang resign karong tuiga, dunay 21 ka mga nurses nga nga susama ug employment status ang nang resign niadtong tuig 2020.
Sigon pa ni Cania, sagad sa mga casual employees nga nang resign mi abroad.
Suma pa sa administrator, ang mahitungod sa mga JO, gawas sa 30 ka mga nurses, duna say siyam ka mga medical school doctors, upat ka radiologic technologist, tulo ka medical technologist ug lima ka drivers ang nang resign sa ilang mga trabaho.
Nagkanayon si Cania nga naka hukom ang mga JO nga mo resign tungod sa kalangay sa sweldo.
Ang maong isyu gi kwestyon ni Opposition City Councilor Joy Augustus Young nganong nahitabo kini.
“This is stupidity to its highest level,” matod ni Young.
Alang sa konsehal nga angayang susihon ang pagkalangay sa ilang sweldo.
Sa iyang bahin, si Administration City Councilor Raymond Alvin Garcia, Chairman sa Budget and Finance Committee mipahibaw nga ang executive department mi propose ug ₱ 21.7 million ubos sa proposed first supplemental budget nga alang sa swelod sa JO workers sa CCMC.
Wala damha nga expenses
Gipasabot ni Garcia nga ang mga sweldo sa JO workers “unforeseen expenses” gumikay kay wala nila damha ang panginahanglan sa pagdugang ug hire ug JO taliwa sa pandemic, hinungdan nga wala malakip ang ilang sweldo sa 2021 annual budget.
Ang gi propose nga SB 1 nga mobalor ug ₱ 4.450 billion subject pa kini sa deliberation sa mga sakop sa konseho sa syudad.
Suma pa ni Garcia nga malakip ang proposed SB 1 sa ilang agenda sa sunod nga regular session sa konseho.
Kuhaon ang proposed budget gikan sa halin sa South Road Properties (SRP) ug retaining operating surplus sa tuig 2020.
Mosuporta hinoon si Young sa SB 1 bisan kon kuhaon ang gahin gikan sa SRP basta lang ma sweldohan ang mga frontliners. (Jhon Tadlip)
(News & photo courtesy of Cebu City Council)