Cagayan de Oro – Hugot nga gipanghimakak ni Bishop Dimver Andales ang mga alegasyon nga adunay syay kalabutan sa pagkamatay ni Mister Cagayan de Oro 2023, Brgy. Lapasan Candidate Adrianne Rovic Fornillos. Kini human mikatap sa social medya ang pagkadawit sa iyang pangalan isip mastermind sa pagpapusil sa biktima.
Gibutyag usab ni PLTCOL Ivan Viñas ang Spokesperson sa Cagayan de Oro City Police Office nga Adunay tulo (3) ka mga suspetsado ang ilang gipasakaan sa kasong Murder sa piskalya. Gituohang Crime of Passion ang motibo sa pagpatay sa maong biktima, sanglit dunay mga angulo nga migawas karun nga gikuhaan og basihan sa gihimong imbestigasyon.
Dugang pa niini nga adtong bulan sa Mayo palang duna na silay gi endorse nga Criminal complaint sa City prosecutor’s office. Kasamtangan na usab karon ilang gipaabot ang resolusyon nga ipakanaog sa nasangpit nga buhatan.
Written by Cheleste Simene
Photo from Adrianne Fornillos Official Account