Tagdetinir kuman sa Mainit Police Station ang suspetsadong layaki sa pagpangdunggab nga nahitabo niadtong adlaw’ng Lunes didto sa Brgy. Matin-ao, Mainit, Surigao del Norte.
Nakilay-an ang suspetsado nga si Pablo Indiano, hingkud ang pangidaron, ulitawo, wayay trabaho, residente sa Purok-Masigla, Brgy. Matin-ao, Mainit, Surigao del Norte samtang ang biktima nakilay-an nga si Arante Calo Ocop, 33 anyos, ulitawo, wayay trabaho, residente sa Purok- Mabuhay, Brgy. Matin-ao, Mainit, Surigao del Norte.
Sa imbestigaston sa kapulisan nasayran nga nag-inom silang duha sa bayay nan biktima ug sa dihang isa ka mainit nga argumento ang nahitabo nga miresulta sa pagpangdunggab ni Indiano ngadto kan Ocop gamit ang mahait nga hinagiban. Naigo sa waya nan tijan sa Ocop. Tagdaya dajon sija sa Caraga Regional Hospital.
Ang suspect nga si Indiano dali misibat sa waya masayri nga direksiyon jadto na higayona apan kagahapong adlawa boluntaryong misurender ngadto sa MAINIT PNP. Kagahapon sa alas 3:00 ang takna sa hapon pormal napasakahan nan kasong Frustrated Homicide ang suspetsado sa Provincial Prosecutors Office. (Mark James Lisondra, Ronda 21 RPN DXKS)
Â