Nasikop ang usa ka suspetsado nga nagpayuhot sa ginadiling druga sa gipahigayong drug buy bust operation sa mga Intelligence Operatives o City Drug Enforcement Unit sa Dipolog City Police Station, gipangulohan ni PLt Kent B. Gudmalin, Chief Intelligence, luyo usab sa superbisyon ni PLtCol Khisna B. Asaali, Chief of Police mga more or less alas 10:30 kagabii didto sa Purok 4, Barangay Sta. Isabel, Dipolog City.
Nailhan ang suspetsado nga si Nonil Lapinig Macias alyas Nonil, 43 anyos, ulitawo ug residente sa nahisgutang lugar.
Nakompiska gikan sa posisyon ug kontrol ni Nonil ang upat ka gagmay nga pakete sa gituohang shabu, usa ka gamay nga pakete sa shabu nga gipalit sa poseur buyer gikan ni Nonil as buy bust evidence, usa ka open transparent plastic sachet as container sa shabu ug ₱ 500.00 bill served as buy bust money.
Gidala sa Provincial Crime Laboratory Office si Nonil para sa drug testing apil na ang nakompiskang drug items para sa chemical examination.
Sa paglakaron ang dinakpang suspetsado temporaryong gitanggong sa selda sa Dipolog City Police Station samtang ginahulat ang tukma nga kasong paglapas sa Republic Act 9165 o Comprehensive Dangerous Drugs Act of 2002.
(Rosevelt Mondinido, RPN DXKD Dipolog Volunteer)