Drug Enforcement Team sa Dipolog City Police Station uban sa PDEA-Zamboanga del Norte, Zamboanga del Norte Provincial Drug Enforcement Unit, ug 901st Maneuver Company RMFB9 nipahigayon og buy-bust operation sa ilegal nga drugas sa Sitio Igot, Brgy. Estaka, Dipolog City, Zamboanga del Norte alas 7:04 sa gabii sa Septiyembre 14, 2023.
Ang operasyon miresulta sa pagkasikop ni Nidemson Delana Dela Rama a.k.a Anak, 44 anyos, lalaki, minyo, ahente sa PLDT, residente sa Purok 4, Brgy Sta. Isabel, Dipolog City Zamboanga del Norte.
Mga butang nga nakumpiska atol sa operasyon mao ang tulo ka sachet sa gituohang shabu nga motimbang og 3 gramos nga adunay standard presyo PhP 20,400.00, usa ka unit nga cellphone nga adunay panit nga hapin ug sim card, usa coin purse, usa ka PhP 1,000.00 bill nga gigamit isip marked money ug usa sa PhP 500.00 nga bill isip kita kon halin.
Gi-turnover ngadto sa Zamboanga del Norte Provincial Forensic Unit ang mga nakumpiskang drug items alang sa eksaminasyon samtang ang dinakpan anaa na karon sa kustodiya sa Dipolog City Police Station proper disposition.
(Source: PNP Zampen)