Arang kalipay tagbati sa ginikanan na sila Gerardo sanan Marites Monsanto dihang nograward , Setyembre 15, 2020 an ila ikaduha na bata na si Aljun Rasonado Monsanto sa Maritime Police didto sa Regional Training Center 2 sa Cauayan City, Isabela Province.
5th Honors si Patrolman Monsanto sa 640 ka graduates sa Public Safety Basic Recruit Course RTC2 CLASS 2020-01 “SIMAGLAYAN” Class. Nakaangkon sija nan grado na 91.62% na gumikan nan ini tagpasidunggan sija sa Certificate of Merit as 5th Honors. Top 1 isab sija isip Commander sa “Lima” Company.
Bisan sa kalisod, naningkamot silang mga ginikanan na makasuyod sa pagka police an ila bata. “Dihang nangaplay si Aljun dinhi sa local, wala maswertehi kay igo niabot iya height waiver naclosan na siya sa application date, dako nami gasto. Hangtud nag open ang Maritime, gitawagan siya mao didto siya naka-apply, lain na sad kuha sa mga requirements,” matud pa sa iyang inahan na si Marites.
Tag-antus nilang ginikanan an kamingaw kay bisan sa idja graduation, waya man sila makabiyahe tungod sa CoViD-19 Pandemic. Niadtong Pebrero 8, 2020 nagsugod an ila training.
Si Aljun ikaduha nilang anak na naghuyâ sa Navalca, Barangay San Juan. Nahuman nidja an high school niadtong 2014 sa SSCT sanan BS Criminology sa SJTIT jadton 2018.
(DXKS RPN Radio Exclusive/ RPN DXKS Surigao)