Surigao: Usa ka construction worker na naipit sa nahugnong kongkretong ding-ding didto sa San Jose, Province of Dinagat Islands, na aksyonan sa bise gobernador

0
152

Dinagat Islands – Nagpa-alim sa balay tambalanan ang 48 anyus nga construction worker human kini madat-ugan ug dakung parte sa konkretong ding-ding didto sa Kong Street, Brgy. Don Ruben, Lungsod sa San Jose, probinsya sa Dinagat.

Visit RPN DXKS Surigao

Nakaagum ug nagkada-iyang samad ug bun-og si Timoteo Estrao nga taga Brgy. Luna, Lungsod sa San Jose niadtung Febrero 28 sa kasamtangang tuig.

Sumala pa sa mga nakasaksi sa maong panghitabo nga samtang gatrabaho ang maong persona kalit nga na nahugno ang maong dakung tipak sa ding-ding tungod sa kakusog sa bundak sa ulan na maoy hinungdan sa pagkahugno.

Daling gi-tabangan sa mga residente ug mga motorista na mahaw-as ang maong naipit na construction worker diin pakyas na makuha nila ang maong personahe tungod sa kabug-at sa maong kunkreto.

Samtang nalabyan kini sa Bise Gobernador nga si Nilo Demerey Jr. ang maong panghitabo, walay pagduha -duhang nikanaog kini sa iyahang sakayan ug mikuha sa usa ka Hydraulic Jack arong aswaton ang maong concretong nakababag sa maong nadat-ugan.

Luwas na nakuha ang maong construction worker apan gi-hatagan dayon ug first aid sa maong Bise gobernador ug ni alalay sa iyaha.

Gidala dayon sa Quick Respond Team sa San Jose ang maong biktema ug daling gidala sa balay tambalanan.

Mapasalamaton ang mga paryente usab ang pamilya sa maong biktema human na naluwas sa mga tawo usab sa tabang na nahatag sa bise gobernador Nilo Demerey Jr. (Janrelh Edera)

LEAVE A REPLY

Please enter your comment!
Please enter your name here