General Luna – Gidakop sa kapulisan sa General Luna Municipal Police Station an isa ka suspetsado tungod sa paglapas sa BATAS PAMBANSA BLG.265, isa ka Balaod na nagdili sa pagkuha nan sand and gravel gikan baybayon nan Barangay Malinao, General Luna, Surigao del Norte na kagahapong adlawa mga ala 1:30 sa kadlawon.
Si Provincial Director, Police Colonel Laudemer M. Laude, niila sa suspek na 40 anyos, biyudo, tricycle driver, ug residente sa Purok-1, Barangay Malinao, General Luna, Surigao del Norte.
An suspek nasakpan sa akto na naghakot ug 18 ka sako sa white sand na jaoy gibanabanang market value sa kantidad P990.00 ka pesos.
Ang dinakpan ug mga nakumpiska na ebedensiya jaon na sa kustodiya sa General Luna Municipal Police Station alang sa tukmang disposasyon. (Ronda 21 Mark James Lisondra, photo courtesy of PPO SDN)