Sa 54 ka barangay ika-47 ang Brgy. Canlanipa sa naka dawat nan mga Libreng Serbisyo nan Gobyerno pinaagi sa programa na People’s Day ni Mayor Pablo Yves L. Dumlao II, kuman adlawa, Agusto 11, 2023.
Dili gajud ma lalis na dako gajud ang suporta nan mga taga Brgy. Canlanipa sa programa nan gobyerno kay ni abot sa 1,476 ka indibidwal ang mitambong sanan ni avail sa mga libreng serbisyo.
Gipilahan ang PhilHealth sa mga gusto maka kuha nan libre sanan mag renew nan ila mga I. D. Waya ini nila pakyasa tungod kay dili na sila mahasol pa mulugsong sa siyudad.
Grabe kataas ang pila sa mga gusto magpa tuli sa programa sa opisina nan City Health Office sanan ni abot ini sa 112 ka mga kabataan inubanan saila mga ginikanan. Dili na pud mapugngan ang mga ning pila sa ila libre nga check-up sa panlawas ug pag pang hatag nan mga libreng tambay ug bitamina.
Sama sa kainit sa panahon ang suporta sa mga kabarangayon, pero padajon ang programa ug tanan gajud ang naka pahimuyos sa mga libreng serbisyo nan gobyerno para sa katawhan sa Brgy. Canlanipa.
Wayay puas na naghatag ng pasalamat si Mayor Pablo Yves L. Dumlao II kay dili mahitabo ang People’s Day kung dili tungod sa suporta nan barangay, opisina nan City Hall, Abante Surigao, ug lain lain na organisasyon sa Siyudad.
Atangi ug e follow ang Surigao City PIO facebook page aron makabalita kamo sa sunod nga skedyul nan People’s Day kay basin sa ijo nasab barangay aron kamo nasab makasinati sa mga libre nga serbisyo nan gobyerno ug mga organisasyon.
(Source: Surigao City PIO Facebook page)