Aksidenting nibangga sa poste sa Surneco an isa ika unit nga red Toyota Conquest Hi-lux Pick-up, nga may plate no. FAJ 6360 nga ginaneho ni Francis Mark Sagaral Ersan, 18 anyos, layaki, ulitawo, high school level, driver/helper, residente sa Lot 8, block 44, Esmeralda Subdivision, Barangay La Filipina, Tagum City.
Sakay sa pick up an mag ama nga sila ni Silvester Peńarubia Pascioles, 35 anyos na layaki, menyo, college level, ug an anak nga 12 anyos nga si Silvester Launio Pascioles Jr., parehong residente sa Tagum City.
Sa inisyal nga imbestigasyon ni PSSgt. Alex Fuentes nasayran nga ni overtake an pick up sa laing sakyanan pasingod sa siyudad nga direksiyon. Apan sa ka kusog sa jagan, nawad.an nan kontrol an driver ug ni lahos sa pikas dayan, deretso ni dasag sa poste sa Surneco.
Guba an atubangan sa sakyanan hinuon wayay na angol sa insidente. (Mark James Lisondra)
