San Benito, Surigao del Norte – Gidumog ang unang adlaw sa re-opening sa 2.2 kilometers Aerial Surfboard Zipline sa San Benito, Siargao Island, Philippines niadtong Enero 25, 2024 diin gitanyag kini nga pinaka taas na zipline sa intero Pilipinas sanan sa South East Asia.
Daghan na mga turista ang nibisita lakip na ang mga vloggers nga gikan pa sa nagkadaiyang parti sa nasud. Matud pa nila nga gusto nilang suwayan ang bag-ong adventure activities nga ikahatag nan Siargao.
Mapasalamaton usab si San Benito Municipal Mayor Gina Sumando Menil tungod kay nagmalampuson ang pag re-open sa maong Zipline. Gipasalamatan usab niya ang tanang nagpaluyo sa kalampusan niini labi na ang mga investors nga dakog gisakrepisyo para mamugna ang Zipline. Gi awhag usab niya ang tanan nga mo bisita sa ilang lugar.
Adunay mga position nga pweding pilian ang mga gustong musakay, una niini ang seating position, ikaduha ang superman position ug ang ilang gipasigarbo nga Surfboarding position diin wala kini sa ubang lugar.
Matud pa ni Anne Patenia, usa sa mga contractor sa nahisgutang zipline nga maka siguro sila nga luwas kini nga sakyan. Tungod Kay gisugoro nila nga lig-on ang mga ekwepo nga ilang gigamit.
Samtang matud pa sa usa sa mga investors nga si Gina Najera nga bisan pa ug dako na ang nalugi nila tungod sa pag abot nan COVID 19 pandemic sanan bagyong Odette, gipadayun gihapon nila ang maong proyekto aron matabangan ang lungsod sa San Benito aron mamahimo kini nga malambuon sa umaabot nga panahon. Gani matud pa nila nga kadaghanan sa ilang mga empleyado mga San Benitohanon. Usa usab sa nag hatag kanila ug inspirasyon nga didto pagatukudon ang zipline sa lungsod nan San Benito, tungod kay matud pa, adunay lahi nga kagwapa ang maong lugar nga wala sa uban.
Mapasigarbuhon usab ang mga San Benitohanon labi na kay kay gitanyag ang ilang lugar nga Siargao’s Jewel of the North. (Ronda 25 Rhoda Mae Sacro)