Surigao: Partisipante sa Bangkarera patay sa dihang naigo an uyo sa propheller sa kalumba

0
13
(Photo courtesy of Mark James Lisondra)

Patay an 20 anyos nga layaki human kini naigo sa pala sa pumpboat sa kalumba niini sa gipahigayon nga Bangkarera atol sa pagsaulog sa kapistahan sa Brgy. Hayanggabon, lungsod nan Claver, Probinsiya sa Surigao del Norte.

Nahitabo an insidente jadton Hunyo 27, 2024 human nakadawat nan tawag an Claver MPS gikan ni PSSgt. Arthur Ken Esparrago mga alas 3:30 nan hapon ug nagpahibayo nga jaoy banggaan sa duha ka pumpboat.

Nakilay.an an biktima nga si Franklin Arenas Cortezo, 20 anyos nga layaki, estudyante, residente sa Brgy. Cawilan, Taganaan, SDN.

Nakilay.an an repondent nga si Romel Firma Salamputan, 20 anyos nga layaki, menyo, residente sa Purok 6, Brgy. Fabio, Taganaan, SDN.

Sa imbestigasyon ni PSSgt. Barry Sumampong nasayran nga atol sa paglumba.ay kalit nga ni-overtake an pumpboat sa biktima ug naharang sa agianan sa gimanehong bangka sa respondent.

Naka engkwentro nan dakong bayod an respondent hinungdan nga nilupad an pumpboat ug nibangga ngadto na sa biktima. An biktima naigo sa propeller sa pumpboat sa suspek sa likod sa uyo ug bahin sa ija lawas.

Tungod niini nakaangkon ug hamok samad an biktima ug daling gihatod sa Barangay Hayanggabon Rescue Team sa Claver Rural Health Uni, apan gideklarar kini nga dead on arrival sa nag-atiman nga Doktor.

An patay nga lawas sa biktima gidaya sa ija pamilya sa Brgy. Cawilan, Taganaan, SDN samtang an suspek jaon na sa kustodiya sa Claver MPS alang sa tukmang disposasyon. (Mark James Lisondra)

Leave a Reply