Surigao City – Nag bangutan ang gibati kuman sa pamilya Cabusao human namatay ang ilang padre de pamilya nga si William Cabusao, 66 anyos, residente sa Brgy. Oslao, lungsod sa San Francisco, SDN human giatake sa sakit sa dihang gisita sa mga traffic enforcer nga nadestino sa gawas nan Caraga Regional Hospital jadton adlaw’ng Dominggo.
Sumaya pa sa asawa nga si Sarah Cabusao nga sila gisita gumikan kay colorum o wayay frankisa ang gimaneho nga tricycle. Waya isab sila pa hangyoa gumikan kay may ni kanaog sa maong hospital nga nakasakay sa ilang tricycle. Ang tumong lamang nila pag kari nan syudad igo lamang mo simba ug dili mamasahero.
Dugang pa niini nga dili tinuod nga ni tabang ang mga traffic enforcer sa dihang giatake na kini sa sakit.
Hampan sa habig isab sa igsuon nga si Narciso Cabusao jaon silay mga lakang nga himuon aron matagaan ug hustisya ang ilang igsuon nga namatay.
Sa pagka kuman ang patay’ng lawas sa biktima an jaon naka haya sa Brgy. Oslao, San Francisco, SDN.
(News & photo courtesy by Ronda 21 Mark James Lisondra)