Tagpahigayon gahapon, March 6, 2024, an pagsurvey sanan pagpatubig sa irigasyon gikan sa Sison Dam pasingud sa Brgy. Anomar sanan Mabini. Tagpangunahan ini sa National Irrigation Administration, City Engineering Office, sanan City Agriculture Office.
Gisubay kun hae taman na lugar an maabot sa tubig, hae dapit an mga barado sanan may mga buslot para maaksyonan dajun aron mas mugaan ang trabaho nan mga farmers sa ila mga basakan, kay makaabot na an tubig sa ila mga lugar.
Nasubay sa taghimo na site inspection na mo abot na an tubig sa Brgy. Mabini. Tagkasabotan na magpahigayon sila nan pagpanlimpyo sa mga nibara tungod sa siltation, mga kahoy, sagbot, sanan dajawon an mga buslot kuman na semana para mas kusog na an awas sa tubig. Para sab maabot pa an iban na mga barangay na nagkinahanglan nan tubig.
An survey tag-ibanan nila National Irrigation Administration SDN Engr. Susan Lariba, Acting City Engineer Engr. Genevieve Pontevedra, Acting City Agriculturist Amelita Dela Cerna, Assistant Engineer Iniezer Balandang, Institutional Development Officer Rebica Olvis, sanan si Engr. Cresensio Cagulada.
(Mark James Lisondra)