Kuman na adlaw, Marso 13, 2023, nagpakadawat an mga empleyado -34 ka-Loyalty award ug 1 ka- Gantimpala Award- sa City Government.
Kini pinaage sa PRAISE program na gihimo nan City Government of Surigao pinaage sa City Human Resource and Development Office na gipanguluhan ni Ms. Haireecel Pedimonte.
Personal na giduhoy ni Mayor Pablo Yves L. Dumlao II an mga tseke nan kada empleyado na nalista isip mga loyalty awardees.
Isa sab an gihatagan ug pasidungog isip Gantimpala Awardee an isa ka Traffic enforcers na si Mr. Rommel Borja.
Kini na pasidungog isa ka naghatag ug pasigarbo sa mga empleyado na nagpakita ug inspirasyon sanan motibasyon sa tanan mga empleyado na magpabiling aktibo sa paghatag nan maradjaw ug tarong na serbisyo isip mga trabante nan gobyerno.