Malampusong nadakpan an isa ka suspek sa pagdunggab sa mirespondeng unit sa Socorro Municipal Police Station gumikan sa init na panaglalis na nisangpot sa pagpangdunggab nga naka kalas sa isa kinabuhi sa isa ka 44 anyos na mananagat na taga Negros Oriental.
Si Police Colonel Laudemer M Laude giila an nadakpan na suspek na si Robert Celedonio Catubig, alyas “Toto”, 28 anyos na mananagat, kinsa ka trabaho sa biktima, residente sa Bayawan City, Negros Oriental.
Sumaya sa taho, isa ka maka ngilngig na insidente sa pagpanunggab an nahitabo sa Sitio, Mating-ob, Barangay Salon, Lungsod sa Socorro, Surigao del Norte jadton milabay na adlaw nga an biktima isa ka 44-anyos nga tripulante.
Nakilay.an an biktima nga si Francisco Lacson Lima, alyas “Junjun” nga susama ug address sa suspek, nakabsan sa kinabuhi sa mga samad nga naangkon atol sa panaglalis.
Nakadawat ug tawag an Socorro MPS kalabot sa mga indibidwal na nalambigit sa insidente sa pagpanunggab sa nahisgutang lugar.
Daling mirespondi an unit apan an biktima gihatod na sa Provincial Hospital sa Barangay Bad-as, Placer nga maoy labing duol nga rota gikan sa maong dapit.
Bisan pa man sa paningkamot nan medical na buhion an biktima apan makasusubo na gideklarar na dead on arrival an biktima tungod sa grabeng mga samad na naangkon.
Sa inisyal nga imbestigasyon nasayran na an duha ka mananagat nag-inom ug waya damha, nisangpot sa init na panaglalis. Human sa panaglalis, nibija kadali an suspek ug misakay sa pump boat maingon man nisakay pud an biktima pasingod sa pantalan.
Pag abot sa maong lugar nitago sa ngitngit an suspek ug sa wayay pag duha-duha ni bunot nan mahait na hinagiban ug gidunggab an biktima ka pila ka beses hinungdan na nakabsan sa kinabuhi ang biktima.
Nihimo ug hot pursuit operation an mga kapulisan sa Socorro iban sa koordinasyon sa Place MPS ug malampusong nasikop an suspek sa Placer, Surigao del Norte.
Ang nadakpang suspetsado an jaon sa kustodiya sa Socorro Municipal Police Station alang na sa tukmang disposisyon.
(Mark James Lisonsda, photo courtesy by SDN PPO)