Sa nahitabo na flag raising buntag ng Nobyembre 14, diri sa ato City Hall grounds, tag hatagan nan pagdungog an mga empleyado na dugay na nag serbisyo sa Siyudad.
Tag hatagan nan loyalty award nan ato Surigao City LGU sila ni Ma. Paz P. Jolejole (35 years) sanan si Maricris P. Tecson (30 years) na nagtrabaho sa ato City Budget Office. Ini nagpakita lamang nan ila marajaw na pagpanerbisyo sanan dignidad sa ila pagpanarbaho.
Taghatagan sab nan Certificate of Appreciation an mga Batang Surigaonon na nag hatag nan pagdungog sa ato Siyudad sa contest na ila tag kadag-an.
An Sangguniang Kabataan nan Barangay Canlanipa naka kuha sa 1st place sa nahitabo na Urban Gardening Contest for Youth 2022 na tag pahigayon nan Department of Agriculture Caraga. Si Christian J. Guillen na kuha an 2nd place sa tagpahigayon na Innovative Technology on Organic Fertilizer Production adton Regional Farm Youth Summit, sanan gihatagan sab nan award si John Andrie D. Penados na amoy naka kuha sab 3rd place sa 4-H Debate sa nahitabo na Regional Farm Youth Summit adton August 24-26, 2022 didto sa Golden Tara Hall, ATI-RTC 13, Los Angeles, Butuan.
Ini nag pakita lamang na dako na garbo sanan potensyal an mga Batang Surigaonon diri sa ato Siyudad.
(Source: Surigao City PIO Facebook page)