Nagmalampuson an Annual General Membership Assembly alang sa tanan membro konsumante sa Surigao del Norte Electric Cooperative Inc. kon SURNECo na tagpahigayon jadton Hulyo 27, 2024 sa Tubod Municipal Gym, Tubod ug San Francisco, Surigao del Norte sa alas 9:30 an takna sa buntag.
An maong assembly jaoy tema na “Achieving the Goals of Rural Electrification: Recognizing the Role of Enhanced MCO Engagement in Powering Filipino Communities”.
Niabot sa kapin kon kuyang 5, 000 ka mga membro konsumante an misalmot sa maong assembly sa pagpanguna sa General Manager sa Surneco na si Engr. Virbuen Ladaga.
Highlights sa report amo an pag amendar sa articles of incorporation ug pag-amendar sa mga by laws sa Surigao del Norte Electric Cooperative, Inc.
Sumaya pa ni General Manager Engr. Virbuen Ladaga na an tumong sa assembly amo an pag hatag nan report kada tuig ngadto na sa mga membro konsumante para mahibaw.an niini kung uno nay jagan sa kooperatiba sa Surneco.
Keynote speaker si General Manager Jose Raul Saniel an General Manager, ZAMSURECO 1. Sa ija mensahe nagakanayon nga an Surneco isa sa mga top performing electric cooperative sa intero Pilipinas. Vc
Mitambong sa maong assembly isip pag suporta sa assembly amo sila ni BM Kaiser Recabo Jr. amo an ni representar kay Governor Robert Lyndon Barbers, Kapitan Mario Gesta, Director Eladio Gales Jr., Director Fergus Johann Senaca ug General Manager Jose Raul Saniel ug iban pang mga kadagkuan sa Surneco.
(Mark James Lisondra)