Mipagawas nan reaction an BFP General Luna sa pagpamgulo ni SFO3 Cristiel Ian Flores na initial damage report pa lamang ang 300 thousand pesos sa nahitabong sunog niadtong gabii sa Agosto 8 nga miugdaw sa unom ka establisemento sama sa Alpas Siargao, Aloha Hostel, Tirso and Nora, Marco Restobar, JMT Star ug isa pa ka bag-ong nahuman na establisemento.
Gama sa mga light materials ang mga nasunog apan nag-react an mga tag-ija na sayop an estimate nan BFP tungod kay daku an ila gasto sa investment paghinang sa maong mga building bisan kon light materials lamang kini.
Sa reaction ni John Mark Tiu nga gipost sa social media kini nagpaklaro na gisakitan sila sa kagamay nan estimated damage sa sunog:
“Sir (BFP) magshare ra ako nan ako kasakit na tagbati bahin inin ijo tagdeclare na danyos na “P300,000.00”. Sakit karajaw sa amu nasunogan jaon amu mga kahago sanan gastos pag invest nan jaon, tapos ideclare ra nijo nan grabe ka gamay.
Ato ibutang na an average floor area kada building is 30sq.m., sa 6 ka establishment an total area is 180sq.m. Ang ijo tagdeclare na damaged is P300,000 tanan. Kun i-divide nato an 300k sa 180sq.m(total floor area) an mogawas P1,666.66. Amu ra kibali ini an current value nan amu mga building? Kun magpahimo kaw kuman nan bayay sa GL mo average nan P25,000.00 per square meter i-compare nimu sa P1,666.66 per sqm. Waya ra mag 10% sa tinuod na presyo.
Or basi jaoy sab ijo lain paagi pag assessed! Kun sin-o may nag estimate nan ini palihog paki assessed pag utro sir basi nasajop rakaw.”
Sa pagpasabot sa Bureau of Fire Protection, giawhagan niini an mga nasunogan na mag execute nan affidavit kon pila an mga nawagtang nila na property ug mga kagamitan nga naugdaw sa sunog.