Grabe kabibo an People’s Day program ni Mayor Pablo Yves L. Dumlao II, kuman na adlaw, Hulyo 28, 2023, na tagpahigayon didto sa Brgy. Sukailang!
Ini na programa libre ug wayay bayad para sa tanan lumulupyo sa 54 ka barangay.
An departamento sa City Health Office gipilahan tungod sa ila libre na check-up sa panlawas hilabi na sa talinga, ilong sanan mata. Naghatag sab sila nan libre na mga tambay sanan vitamins para sa mga katiguyangan, kabatan-onan, pati mga bata.
Hamok na mga nanay sanan tatay an nalipay sa libreng gupit nan Philippine National Police sanan Rainbow Connection.
Tag pilahan sab an departamento nan City Social Welfare and Development Office (CSWD) nan mga gusto mo kuha nan I.D. sa Senior Citizen sanan mga Person with Disability (PWD).
Sa mensahe nan ila barangay captain na si Renato Cabajes, mapasalamaton sija karajaw sa administrasyon kuman kay mipahigayon nan People’s Day na libre tanan kay makatabang ini sa ija mga kabaranggayon hilabi na kay lajo ra ang ila barangay sa siyudad.
Nagpaabot sab nan pasalamat si Mayor Dumlao sa mga katawhan nga misuporta ug mikadto para makasinati sa mga serbisyong libre nan gobyerno. Tagpaabot nija sa mga katawhan ang mga proyekto nga pagahimuon hilabi na an pag dajaw sa ila multi-purpose gym na naguba niadtong miaging Bagyong Odette. Sa ija mensahe nagsaad sab sija na puhon pag magpahigayon utro nan People’s Day didto sa ila gym ija paningkamutan na dili na mauyanan sanan masughan an mga katawhan kay may atop na.
Kini an tag tawag kuman na serbisyong wayay gipili, wayay color coding kay amo ini an Serbisyong Batang Surigaonon nga Pulido ug Dekalidad!
(Source: Surigao City PIO Facebook page)