Surigao City – Nanawagan kuman nan hustisya an pamilya ni William Cabusao, 66 anyos na taga Oslao, San Francisco Surigao del Norte human kini nabawian sa ija kinabuhi dihang gisita sa City Traffic Enforcer kay namasahero samtang wayay frankisa kagahapon Pebrero 4, 2024 atbang sa Caraga Regional Hospital.
Rason sa pamilya na pasingod sila sa simbahan ug natunong lang nga may nakisakay sa ilang tricycle na minaug sa hospital.
Si Cabusao kanhi Kagawad sa Oslao ug Presidente sa ATODA kon Anao-aon Tricycle Operators and Drivers Association, nga jaoy frankisa sa ilang tricycle sa Anao-aon.
Samtang gipahayag sa City Traffic Management Office na gisita sa Traffic Enforcer ang tricycle tungod kay waya kini body number ug nakit-an na may pasahero.
“Tagpara sija nan ato enforcer kay way body number ija tricycle samtang nagsakay nan 2 ka pasahero pero iban ija asawa. An isa nanaug sa Caraga hospital nagduhoy nan pamasahe sa driver amo sab an isa ka pasahero na dapat manaug sa NEMCO.
Samtang tag sita sija grabe nija kasuko apan kalma ra mga enforcers hangtud na tag atake sija. Tag massage nan ato 3 ka enforcers ky ebalhin na tana sija sa multicab para dad on sa emergency pero may isa ka driver sa tricycle nipuli pagdrive samtang tagwakli sija sa front seat gedaya sija sa emergency sa Caraga. Tag ibanan pa nan traffic enforcers hangtud emergency ky pagkahuman ngpa blotter sila sa pulis sa hitabo.
Sukwahe sa pasangil sa facebook na nusimba kuno ug nagpalit nan tambay nagdaut daut ra lamang nan ato enforcers na nagtrabaho raman,” an reaction nan City Traffic Management Office na tagpangulohan ni Police Captain Robert Paredes.
Sa pagkakuman jaon sa kasub-anan ang pamilya sa driver kansang patay’ng lawas jaon sa ilang bayay sa Oslao, San Francisco, Surigao del Norte.
(News & photo courtesy by Ronda 21 Mark James Lisondra)