An Kagamhanan sa Dakbayan sa Surigao ubos sa liderato ni City Mayor Paul L. Dumlao, pinaagi sa suporta sa Department of Agriculture Regional Field Office 13, nagpahigayon nan 2 ka adlaw naa pag apod-apod nan 3210 bags na certified palay seeds, sa 20 kilograms kada bag para sa 1,907 rice farmers na nagtikad sa total na 1,605 hektaryas sulod sa 34 na mga barangay kuman December 7-8, 2022. Ini na mga certified seeds gibana-bana na nagkantidad nan P2,439,600.00 sanan gipondohan pinaagi sa National Rice Program nan Department of Agriculture.
An mga binhi package sa fertilizer voucher na jaoy total kantidad na P1,815,255.00 na nauna na gipanhatag sa City Agriculture Office didto sa mga recipient-farmers adton buyan pa sa September.
Angay mahibaw-an na an Dakbayan sa Surigao nakakuha sab nan dugang pa na ayuda ubos sa Quick Respond Fund (QRF) sa Department of Agriculture sanan apil na dinhi ang 70 ka bags na certified seeds sanan 100 bags na hybrid seeds na isunod sab ipanhatag didto sa rice farmers dungan sa 315 bags na certified palay na gipalit sa Dakbayan gamit an pondo sa City Disaster and Risk Management Office (CDRMO).
(Source: Surigao City PIO Facebook page)