Surigao City – An Surigao City Environment & Natural Resources Office na gipangunahan ni Engr. Jose Alfonso Casurra City, gi ibanan nan Department of Environment and Natural Resources Surigao del Norte sanan nan Provincial Environment and Natural Resources nag site inspection kagaina didto sa Banahao, Brgy. Sabang kung diin nangitlog an Olive Ridley Sea Turtle.
Nagkatipok sila aron hisgutan an angay himuon sa pagkonserbar sa mga itlog sa maong turtle. Mag-iban sila sa paghimo sa epektibo nga mga lakang aron masiguro an kaluwasan sa mga itlog suyod sa 60-75 days hangtud sa kini mapusa.
Didto an mga staff nan Department of Environment and Natural Resources na si Forest Technician I si Abby Rose S. Diaz, EMS/CDS Staff Rosevelt C. Cervantes, sanan si Quickie E. Escorpion Administrative Assistant III nan Provincial Environment and Natural Resources.
Gi awhag an publiko na pwede ireport dajun sa DENR o City ENRO an lain pa na mga sightings sa sea turtle nesting. Gi awhag sab an publiko na dili disturbohon o hilabtan an mga lugar kun hae nag-nest o nangitlog an mga sea turtle. (Ronda 21 Mark James Lisondra, photo courtesy of Surigao City PIO)