Surigao del Norte – Nadakpan sa managlahing operation sa Burgos ug Pilar MPS an isa ka construction worker ug isa ka mananagat human sila nakalapas sa Anti-Illegal Fishing Operation kagahapong adlawa.
Si Police Colonel Laudemer M. Laude, Provincial Director, nibutyag sa identity sa mga nadakpan na mga suspek na diin isa ka 34 anyos, construction worker, residente sa Purok Mangga, Barangay Poblacion 2, lungsod sa Burgos; ug isa ka mananagat, residenre sa Barangay Consolacion, Pilar, probinsya sa Surigao del Norte.
An mga operatiba hugot na mihimo ug mas gipakusog na kampanya sa seaborne patrol operation sa gideklarar na marine protected area sa Lakyajon Sanctuary, Barangay Poblacion 1, lungsod sa Burgos.
An dugang na mga paningkamot gikan sa mga miresponde na mga personahe an nagmalampuson na pagdakop sa isa ka 34 anyos na layaki ubos sa seaborne patrol operation, nasikop an suspek human nasakpang nanagat sa marine protected fishing area sa lungsod gamit an mga illegal fishing paraphernalia na nakalapas sa Municipal Ordinance No. 1 Series of 2009 ubos sa local government unit-sponsored laws na miresulta sa pagdakop.
Sa samang adlaw, an mga awtoridad sa kapulisan sa Pilar Municipal Police Station mipakatap ug faceted approach na gitumong sa pagsumpo sa mga ginadili na pamaagi sa pagpangisda na dugay nang naghasol sa mga komunidad sa baybayon ug nagpameligro sa marine ecosystem.
An estasyonan sa yunit dali na misunod niini na panawagan ug gipugngan an mga kaso batok sa indibidwal tungod sa aktibong pag-apil sa mga pamaagi sa ilegal na pagpangisda na miresulta sa ija dinaliang pagkasikop ug pagsakmit sa gidili na mga gamit sa pangisda na gigamit sa pagpahimuyos sa gidaghanon sa isda alang sa pagkaon ug panginabuhian sa pagkita sa ginansya sa merkado.
An ija iligal na partisipasyon ubos sa paglapas sa Municipal Ordinance No. 002, Series of 2013, na gisilotan sa mga regulated law bahin sa pagpreserba ug pagpanalipod sa marine aquatic resources. (Ronda 21 Mark James Lisondra, photo courtesy of PPO SDN)